ಜೂನ್ 21 ರಿಂದ ಇಡೀ ದೇಶದ ಎಲ್ಲಾ ವಯೋಮಾನದವರಿಗೂ ಕೇಂದ್ರ ಸರಕಾರವೇ ಉಚಿತವಾಗಿ ಕೋವಿಡ್ ಲಸಿಕೆಯನ್ನು ಪೂರೈಸಲಿದೆ. ಇಂದು ರಾಷ್ಟ್ರವನ್ನು ಉದ್ದೇಶಿಸಿ ಮಾತಾನಾಡಿದ ಪ್ರಧಾನ ಮಂತ್ರಿ ನರೇಂದ್ರ ಮೋದಿ ಈ ಮಹತ್ವದ ಘೋಷಣೆಯನ್ನು ಮಾಡಿದರು.
ಆರೋಗ್ಯ ರಾಜ್ಯಗಳಿಗೆ ಸಂಬಂಧಿಸಿದ ವಿಷಯವಾದ್ದರಿಂದ ಮೇ 1 ರಿಂದ ಲಸಿಕೆ ಖರೀದಿ ಮತ್ತು ವಿತರಣೆ ವ್ಯವಸ್ಥೆಯನ್ನು ಕೇಂದ್ರ ಸರಕಾರ ಆಯಾ ರಾಜ್ಯಗಳಿಗೆ ವಹಿಸಿತ್ತು. ಆದರೆ ಈ ವ್ಯವಸ್ಥೆ ಸಮರ್ಪಕವಾಗಿ ಜಾರಿಗೆ ಆಗದ ಕಾರಣ ಇದರ ಹೊಣೆಯನ್ನು ಇದೀಗ ಮತ್ತೆ ಕೇಂದ್ರ ಸರಕಾರವೇ ವಹಿಸಿಕೊಂಡಿದೆ.
ತಯಾರಾಗುವ ಶೇಕಡ 75 ರಷ್ಟನ್ನು ಲಸಿಕೆಯನ್ನು ಕೇಂದ್ರ ಸರಕಾರವೇ ಉತ್ಪಾದಕರಿಂದ ನೇರವಾಗಿ ಖರೀದಿ ಮಾಡಿ ರಾಜ್ಯಗಳಿಗೆ ವಿತರಿಸಲಿದೆ. ಎಲ್ಲಾ ಸರಕಾರಿ ಆಸ್ಪತ್ರೆಗಳಲ್ಲಿ 18 ವರ್ಷ ಮೇಲ್ಪಟ್ಟ ಎಲ್ಲರಿಗೂ ಲಸಿಕೆ ಉಚಿತವಾಗಿ ಸಿಗಲಿದೆ. ಇನ್ನುಳಿದ ಶೇಕಡ 25 ರಷ್ಟು ಲಸಿಕೆಯನ್ನು ಖಾಸಗಿ ಆಸ್ಪತ್ರೆಗಳು ನೇರವಾಗಿ ಖರೀದಿ ಮಾಡಬಹುದಾಗಿದ್ದು ಅವುಗಳು ಲಸಿಕೆ ಖರೀದಿ ಬೆಲೆಯ ಮೇಲೆ ಕೇವಲ 150 ರೂಪಾಯಿಗಳ ಸೇವಾ ಶುಲ್ಕವನ್ನಷ್ಟನ್ನೆ ಪಡೆಯಬಹುದಾಗಿದೆ.
ಇದರ ಜೊತಗೆ ಬಡವರ್ಗದವರಿಗೆ ನೀಡುತ್ತುರವ ಹೆಚ್ಚುವರಿ ಆಹಾರ ಧಾನ್ಯ ವಿತರಣೆಯನ್ನು ದೀಪಾವಳಿ ವರೆಗೂ ಮುಂದುವರಿಸಲಾಗಿದೆ.
👍