ಲಾಕ್ ಡೌನ್ ಹಂತ ಹಂತವಾಗಿ ಸಡಿಲಗೊಳ್ಳುತ್ತಿದ್ದರೂ ಚಿತ್ರಮಂದಿರಗಳು ಇನ್ನೂ ತೆರೆದಿಲ್ಲ. ಮಾಲ್‌ ಗಳು ಮುಂದಿನವಾರದಿಂದ ಆರಂಭವಾಗಬಹುದು. ಆದರೆ ಚಿತ್ರಮಂದಿರಗಳು ತೆರೆಯಲು ಇನ್ನೂ ಕೆಲದಿನಗಳಾದರು ಬೇಕಾಗಬಹುದು. ಟಾಕೀಸ್ ಗಳು ಮೇಲೂ ಪ್ರೇಕ್ಷಕರು ಮೊದಲಿನಂತೆ ಮಂದಿರಗಳತ್ತ ಧಾವಿಸುವುದು ಅನುಮಾನ. ಈ ಸಂದರ್ಭವನ್ನು ಒಟಿಟಿ ಪ್ಲಾಟ್‌ಫಾರ್ಮ್‌ಗಳು ಸದುಪಯೋಗ ಪಡಿಸಿಕೊಂಡು ಸಿನಿಮಾಗಳನ್ನು ನೇರವಾಗಿ ರಿಲೀಸ್ ಮಾಡುತ್ತಿವೆ.
<ಕನ್ನಡದ ಎರಡು ಚಿತ್ರಗಳು ಸೇರಿದಂತೆ ಒಟ್ಟು 7 ಸಿನಿಮಾಗಳನ್ನು ರಿಲೀಸ್ ಮಾಡುವುದಾಗಿ ಅಮೇಜಾನ್‌ ಪ್ರೈಮ್‌ ವಿಡಿಯೋ ಅನೌನ್ಸ್‌ ಮಾಡಿದೆ. ಕನ್ನಡದಲ್ಲಿ ಪುನೀತ್‌ರಾಜ್‌ಕುಮಾರ್‌ ನಿರ್ಮಾಣದ ‘ಫ್ರೆಂಚ್‌ ಬಿರಿಯಾನಿ’, ‘ಲಾ’ , ತಮಿಳಿನಲ್ಲಿ ಜ್ಯೋತಿಕಾ ನಟನೆ29ಯ ‘ಪೊನ್‌ ಮಗಳ್‌ ವಂದಾಳ್‌’ , ಕೀರ್ತಿ ಸುರೇಶ್‌ ನಟನೆಯ ‘ಪೆಂಗ್ವಿನ್‌’, ಅಮಿತಾಭ್ ಬಚ್ಚನ್‌ ಮತ್ತು ಆಯುಷ್ಮಾನ್‌ ಖುರಾನ ನಟನೆಯ ‘ಗುಲಾಬೋ ಸಿತಾಬೊ’, ವಿದ್ಯಾಬಾಲನ್‌ ಅವರ ‘ಶಕುಂತಲಾ ದೇವಿ’ ಮಲಯಾಳಂನ ‘ಸೂಫಿಯೆಂ ಸಂಜಾತೆಯಂ’ ಸಿನಿಮಾಗಳು ನೇರವಾಗಿ ಅಮೇಜಾನ್‌ನಲ್ಲಿ ಸ್ಟ್ರೀಮಿಂಗ್‌ ಆಗಲಿವೆ.ತಮಿಳಿನಲ್ಲಿ ಜ್ಯೋತಿಕಾ ನಟನೆಯ ‘ಪೊನ್‌ ಮಗಳ್‌ ವಂದಾಳ್‌’ ಈಗಾಗಲೇ ಬಿಡುಗಡೆಯಾಗಿದೆ.
ವಿರೋಧ
ಚಿತ್ರಮಂದಿರಗಳನ್ನು ಬಿಟ್ಟು ನೇರವಾಗಿ ಓಟಿಟಿಯಲ್ಲಿ ಚಿತ್ರವನ್ನು ರಿಲೀಸ್ ಮಾಡುತ್ತಿರುವುದಕ್ಕೆ ಮೊದಲು ಆಕ್ಷೇಪ ವ್ಯಕ್ತಪಡಿಸಿದ್ದು, ತಮಿಳು ನಾಡಿನ ಪ್ರದರ್ಶಕರು. ‘ಪೋನ್‌ ಮಗಳ್‌ ವಂದಾಳ್‌’ ಚಿತ್ರ ಸೂರ್ಯ ನಿರ್ಮಾಣ ಮಾಡಿದ್ದು, ಮುಂದಿನ ದಿನಗಳಲ್ಲಿ ಅವರ ಸಿನಿಮಾಗಳನ್ನು ನಾವು ಚಿತ್ರಮಂದಿರದಲ್ಲಿ ಪ್ರದರ್ಶನ ಮಾಡುವುದಿಲ್ಲ ಎಂಬ ಮಾತುಗಳನ್ನು ಸಹ ಆಡಿದರು ಆದರೂ ಸೂರ್ಯ ಮತ್ತು ಜ್ಯೋತಿಕಾ ಧೈರ್ಯ ಮಾಡಿ ಅಮೇಜಾನ್‌ನಲ್ಲಿ ಸಿನಿಮಾ ರಿಲೀಸ್ ಮಾಡಿದ್ದಾರೆ. ಇನ್ನು ಕನ್ನಡದಲ್ಲಿಯೂ ಕೆಲವರು ಪುನೀತ್ ರಾಜ್‌ಕುಮಾರ್‌ ಅವರ ಬ್ಯಾನರ್‌ನಿಂದ ಈ ರೀತಿಯ ಬೆಳವಣಿಗೆ ಆಗಬಾರದಿತ್ತು ಎನ್ನುವ ಅಭಿಪ್ರಾಯವನ್ನು ವ್ಯಕ್ತಪಡಿಸಿದ್ದಾರೆ.
ಕರ್ನಾಟಕದ ಚಲನಚಿತ್ರ ಪ್ರದರ್ಶಕರ ಸಂಘದ ಅಧ್ಯಕ್ಷರಾದ ಕೆ ವಿ ಚಂದ್ರಶೇಖರ್‌. ಸದ್ಯ ಲಾಕ್‌ಡೌನ್‌ ಹಿನ್ನೆಲೆಯಲ್ಲಿ ಇಂತಹ ಪ್ರಯತ್ನ ಓಕೆ, ಆದರೆ ಎಲ್ಲವೂ ಸರಿಯಾದ ಮೇಲೂ ಓಟಿಟಿಯಲ್ಲಿ ರಿಲೀಸ್ ಮಾಡಿದರೆ ಸಮಸ್ಯೆಯಾಗುತ್ತದೆ ಎಂದಿದ್ದಾರೆ.
ಇನ್ನು ಐನಾಕ್ಸ್‌ ಕೂಡಾ ಸಿನಿಮಾಗಳನ್ನು ಒಟಿಟಿಗೆ ಕೊಟ್ಟಿದ್ದಕ್ಕೆ ಬೇಸರ ವ್ಯಕ್ತಪಡಿಸಿತ್ತು. ಇಷ್ಟೆಲ್ಲಾ ವಿಷಯಗಳ ನಡುವೆ ಮೇ 29ರಂದು ತಮಿಳಿನ ‘ಪೊಣ್‌ ಮಗಳ್‌ ವಂದಾಳ್‌’ ಅಮೇಜಾನ್‌ನಲ್ಲಿ ಬಿಡುಗಡೆಯಾಗಿ ಕೊಂಚ ಹೆಸರು ಸಹ ಮಾಡಿದೆ.
