ಕೇಂದ್ರ ಸರಕಾರ ಹಸಿರು ನಿಶಾನೆ ತೋರಿದ್ದೆ ಆದರೆ ಜನವರಿ 13ರಂದು ಭಾರತದಲ್ಲಿ ಮೊಟ್ಟ ಮೊದಲ ಕೋವಿಡ್ ಲಸಿಕೆ ಸಾರ್ವಜನಿಕರಿಗೆ ಲಭ್ಯವಾಗಲಿದೆ.
ತುರ್ತು ಬಳಕೆಗೆ ಅನುಮತಿ ಸಿಕ್ಕ ಹತ್ತು ದಿನದಲ್ಲಿ ನಾವು ಲಸಿಕೆ ಹಾಕುವ ಕೆಲಸಕ್ಕೆ ಸಿದ್ಧ ಎಂದು ಆರೋಗ್ಯ ಇಲಾಖೆ ಮಂಗಳವಾರ ಹೇಳಿದೆ . ಅಂದರೆ ಜನವರಿ 3 ರಂದು ಈ ಅನುಮತಿ ಸಿಕ್ಕಿರುವುದರಿಂದ 10 ದಿನ ಕಳೆದರೆ ಜನವರಿ 13 ರಂದು ಮೊದಲ ಲಸಿಕೆ ಹಾಕಬಹುದು ಎಂದು ಭಾವಿಸಲಾಗಿದೆ.
ಆದರೆ ಅಂತಿಮವಾಗಿ ಕೇಂದ್ರ ಸರಕಾರ ಈ ಬಗ್ಗೆ ಅಂತಿಮ ನಿರ್ಧಾರ ತೆಗೆದುಕೊಂಡು ಅನುಮತಿ ನೀಡಬೇಕು ಎಂದು ಕೇಂದ್ರ ಆರೋಗ್ಯ ಕಾರ್ಯದರ್ಶಿ ರಾಜೇಶ್ ಭೂಷಣ್ ತಿಳಿಸಿರುವುದಾಗಿ ವರದಿಯಾಗಿದೆ.
ಮೊದಲ ಹಂತದಲ್ಲಿ ಆರೋಗ್ಯ ಕಾರ್ಯಕರ್ತರಿಗೆ ಲಸಿಕೆ ನೀಡಲಾಗುವುದು. ಕಳೆದ ಭಾನುವಾರ ಆಕ್ಸ್ ಫರ್ಡ್ ಅಸ್ಟ್ರಜೆನಿಕಾ ತಯಾರಿಕೆಯ ಕೋವಿಶೀಲ್ಡ್ ಮತ್ತು ಭಾರತ್ ಬಯೋ ಟೆಕ್ ನ ಕೋ ವ್ಯಾಕ್ಸಿನ್ ನ ತುರ್ತು ಬಳಕೆಗೆ ಭಾರತ ಅನುಮತಿ ನೀಡಿತ್ತು.
🙏