ಎಲ್ಲವೂ ಊಹಿಸಿದಂತೆ ಆಗಿದೆ. ಸಂಜೆಯವೆರಗೂ ನಡೆದ ಕಾಂಗ್ರೆಸ್ ಕಾರ್ಯಕಾರಿ ಸಮಿತಿ ಸಭೆ ಸೋನಿಯಾ ಗಾಂಧೀ ಅವರೆ ಪಕ್ಷದ ಅಧ್ಯಕ್ಷರಾಗಿ ಮುಂದುವರೆಯಬೇಕೆಂಬ ನಿರ್ಧಾರಕ್ಕೆ ಬಂದಿದೆ.
ದಿನ ನಿತ್ಯದ ವ್ಯವಹಾರ ನೋಡಿಕೊಳ್ಳಲು ಪಕ್ಷದ ಅಧ್ಯಕ್ಷರಿಗೆ ಸಹಾಯ ಮಾಡಲು ಸಮಿತಿಯೊಂದನ್ನು ನೇಮಿಸಲು ಕೂಡ ನಿರ್ಧರಿಸಿದೆ. ಮುಂದಿನ ಆರು ತಿಂಗಳ ಒಳಗೆ ಸೇರಲಿರುವ ಎಐಸಿಸಿ ಸಭೆ ಮುಂದಿನ ಕಾರ್ಯತಂತ್ರವನ್ನು ರೂಪಿಸಲಿದೆ.
ಪಕ್ಷದ ಹುದ್ದೆ ಬೇಡವೆಂದೆ ಕುಳಿತ್ತಿದ್ದ ಸೋನಿಯಾ ಗಾಂಧೀ ಕೊನೆಗೆ ಎಲ್ಲರ ಒತ್ತಾಯಕ್ಕೆ ಮಣಿದು ಮುಂದುವುರಿಯಲು ಸಮ್ಮಿತಿಸಿದರು. ಪಕ್ಷದಲ್ಲಿ ಯಾವುದೇ ಸಮಸ್ಯೆ ಬಂದರೂ ಅದು ಪಕ್ಷದ ವೇದಿಕೆಯಲ್ಲೇ ಇತ್ಯರ್ಥವಾಗಬೇಕೆಂದರು.
ಬೆಳಿಗ್ಗೆಯಿಂದ ಹಲವು ಹೇಳಿಕೆ ಪ್ರತಿಹೇಳಿಕೆಗಳಿಂದ ತೀವ್ರ ಕುತೂಹಲ ಕಂಡಿದ್ದ ಸಭೆ ಕೊನೆಗೆ ನಿರೀಕ್ಷಿಸಿದ ನಿರ್ಧಾರವನ್ನೆ ತೆಗೆದುಕೊಂಡಿದೆ.
.