ಹಾಸ್ಮಾಟ್‌ನಲ್ಲಿ ರೊಬೊಟಿಕ್ ಶಸ್ತ್ರಚಿಕಿತ್ಸಾ ಘಟಕ ; ಕೀಲು ಬದಲಾವಣೆ ಈಗ ಮತ್ತಷ್ಟು ಸರಳ , ನಿಖರ

BENGALURU NOV 28

ಮೂಳೆ ಸಂಬಂಧಿಸಿದ ಶಸ್ತ್ರ ಚಿಕಿತ್ಸೆಯಲ್ಲಿ ಹೆಸರು ವಾಸಿಯಾಗಿರುವ ಬೆಂಗಳೂರಿನ ಹಾಸ್ಮಾಟ್ ಆಸ್ಪತ್ರೆ ಇಂದು ತನ್ನ ಮ್ಯಾಗ್ರಾಥ್ ರಸ್ತೆಯ ಆಸ್ಪತ್ರೆಯಲ್ಲಿ ಅತ್ಯಾಧುನಿಕ ರೊಬೊಟಿಕ್ ಸರ್ಜರಿ ಘಟಕದ ಸೇರ್ಪಡೆಯನ್ನು ಪ್ರಕಟಿಸಿತು. ಈ ಸೇರ್ಪಡೆಯಿಂದ ಈ ಬಗೆಯ ಅತ್ಯಾಧುನಿಕ ಆಟೊಮೇಟೆಡ್ ರೊಬೊಟಿಕ್ ಸಿಸ್ಟಂ ಅಳವಡಿಸಿದ ಕರ್ನಾಟಕದ 2ನೇ ಆಸ್ಪತ್ರೆಯಾಗಿ ಹಾಸ್ಮಾಟ್ ಹೊರಹೊಮ್ಮಿದೆ.

ಹೊಟ್ಟೆಯ ಮತ್ತು pelvis ಶಸ್ತ್ರಚಿಕಿತ್ಸೆಗಳಲ್ಲಿ ರೊಬೊಟಿಕ್ ತಂತ್ರಜ್ಞಾನದ ಆವಿಷ್ಕಾರದ ನಂತರ, ಕೀಲು ಬದಲಾವಣೆಯಲ್ಲಿ ರೊಬೊಟಿಕ್ ಶಸ್ತ್ರಚಿಕಿತ್ಸೆಯು ತನ್ನ ಅತ್ಯಂತ ನಿಖರತೆ ಮತ್ತು ನಿಷ್ಕೃಷ್ಟತೆಯ ತಂತ್ರಕ್ಕೆ ಅತ್ಯಂತ ಖ್ಯಾತಿ ಪಡೆದಿದೆ. ಈ 3ನೇ ತಲೆಮಾರಿನ CUVIS ರೊಬೊಟಿಕ್ ಘಟಕವು ಕಳೆದ 2ವರ್ಷಗಳಿಂದ ಭಾರತ ಒಳಗೊಂಡು ಅಂತಾರಾಷ್ಟ್ರೀಯವಾಗಿ ಬಳಕೆಯಲ್ಲಿದೆ. ರೊಬೊಟಿಕ್ ಘಟಕವು ಅತ್ಯಂತ ನಿಖರತೆ ನೀಡುತ್ತದೆ. ಶಸ್ತ್ರಚಿಕಿತ್ಸೆಯ ನಂತರ ಚೇತರಿಕೆಯೂ ಅತ್ಯಂತ ನೋವು ರಹಿತವಾಗಿರುತ್ತದೆ ಹಾಗೂ ನೀ ಆರ್ಥೊಪ್ಲಾಸ್ಟಿ ಎಂದು ಕರೆಯುವ ಸಾಂಪ್ರದಾಯಿಕ ಮೊಣಕಾಲು ಬದಲಾವಣೆ ಚಿಕಿತ್ಸೆಗಿಂತ ಮೊಣಕಾಲನ್ನು ಈ ಚಿಕಿತ್ಸೆಯ ಮೂಲಕ ಬಗ್ಗಿಸುವುದು ಸುಲಭವಾಗುತ್ತದೆ.

ಮೊಣಕಾಲಿನ ಮೂಳೆಯ ಮೇಲ್ಮೈಗಳನ್ನು ಹೈ ಡೆನ್ಸಿಟಿ ಪಾಲಿ ಎಥಿಲೀನ್ ಎಂಬ ಬಹಳ ಸದೃಢ ಪ್ಲಾಸ್ಟಿಕ್‌ನಿಂದ ಬದಲಾಯಿಸಲಾಗುತ್ತದೆ, ಅವುಗಳು ಮೊಣಕಾಲಿನ ಮುಚ್ಚಿದ ಮೂಳೆ ಮತ್ತು ಕಾಲಿನ ಮೇಲಿನ ಕೊನೆಯ ಮೂಳೆಯಾಗಿರುತ್ತದೆ, ತೊಡೆಯ ಮೂಳೆಯನ್ನು ವಿಶೇಷವಾದ ಕೋಬಾಲ್ಟ್ ಕ್ರೋಮ್ ಎಂಬ ವಿಶೇಷ ಲೋಹದೊಂದಿಗೆ ಸೇರಿಸಲಾಗುತ್ತದೆ ಅದು ಮ್ಯಾಗ್ನೆಟಿಕ್ ರಹಿತವಾಗಿದ್ದು ಎಂಆರ್‌ಐ ಸುರಕ್ಷಿತವಾಗಿರುತ್ತದೆ.

ಈ ಮೊಣಕಾಲು ಬದಲಾವಣೆಯನ್ನು ಆರ್ಥೈಟಿಸ್ ಅಥವಾ ಹಳೆಯ ಗಾಯದಿಂದ ಅಥವಾ ವಯಸ್ಸಾಗುವಿಕೆಯಿಂದ ಮೊಣಕಾಲು ಹಾನಿಯುಂಟಾದ, ನಡೆದಾಡುವಾಗ ಅಥವಾ ಮೆಟ್ಟಿಲು ಹತ್ತುವಾಗ ನೋವಿರುವ ಶಸ್ತ್ರಚಿಕಿತ್ಸೆಯ ಹೊರತಾದ ಚಿಕಿತ್ಸೆಯಿಂದ ಯಾವುದೇ ಪ್ರಯೋಜನವಾಗದ ಹಾಗೂ ದೈನಂದಿನ ಚಟುವಟಿಕೆ ಸೀಮಿತವಾದ ರೋಗಿಗಳಿಗೆ ಪರಿಗಣಿಸಬಹುದು.

ಹಲವು ಬಗೆಯ ಆರ್ಥೈಟಿಸ್ ಮೊಣಕಾಲಿನ ಕೀಲಿಗೆ ಬಾಧಿಸಬಹುದು. ಆಸ್ಟಿಯೊಆರ್ಥೈಟಿಸ್ ಅತ್ಯಂತ ಸಾಮಾನ್ಯ ಡೀಜನರೇಟಿವ್ ಕೀಲು ನೋವಾಗಿದ್ದು ಅದು ಅತಿಯಾದ ತೂಕವಿರುವ ಮಧ್ಯಮ ವಯಸ್ಸಿನ ಜನರಿಗೆ ಕಾಡುತ್ತದೆ ಮತ್ತು ಬಾಗಿದ ಮೊಣಕಾಲು ಉಳ್ಳವರಿಗೆ, 60 ವರ್ಷ ಮೀರಿದವರಿಗೆ, ರ‍್ಹುಮಟಾಯಿಡ್ ಆರ್ಥೈಟಿಸ್ ಉಳ್ಳವರಿಗೆ ಚಿಕ್ಕ ವಯಸ್ಸಿನಲ್ಲಿಯೇ ಹಾನಿಯುಂಟು ಮಾಡಬಹುದು. ಹಳೆಯ ಗಾಯದಿಂದ ಉಂಟಾಗುವ ಟ್ರೌಮ್ಯಾಟಿಕ್ ಆರ್ಥೈಟಿಸ್, ಬೀಳುವುದರಿಂದ ಕೀಲು ಹರಿದು ಹೋಗುವುದರಿಂದ ಉಂಟಾಗುವ ಆರ್ಥೈಟಿಸ್ ಮತ್ತು ಮೊಣಕಾಲಿನ ಮೃದ್ವಸ್ಥಿ ಹಾಳಾಗುವುದು ಪ್ರಮುಖ ಕಾರಣಗಳಾಗಿವೆ.

3ಡಿ ಸಿಟಿ ಸ್ಕ್ಯಾನ್ ಚಿತ್ರಗಳನ್ನು ಶಸ್ತ್ರಚಿಕಿತ್ಸೆಯ ಪೂರ್ವದಲ್ಲಿ ರೊಬೊಟಿಕ್ ಸಿಸ್ಟಂಗೆ ಪೆನ್ ಡ್ರೈವ್ ಮೂಲಕ ನೀಡಲಾಗುತ್ತದೆ. ಇದು ರೋಗಿಯ ಮೊಣಕಾಲಿನ ಕುರಿತು ವಿವರವಾದ ರಿಯಲ್ ಟೈಮ್ ಅಂಗರಚನೆಯನ್ನು ನೀಡುತ್ತದೆ ರೊಬೊಟಿಕ್ ಘಟಕದ ಈ “ಕಣ್ಣುಗಳು” ಮೊಣಕಾಲಿನ ಮೇಲಿದ್ದು ಸತತವಾಗಿ ಶಸ್ತ್ರಚಿಕಿತ್ಸಾ ತಜ್ಞರಿಗೆ ನೆರವಾಗುತ್ತವೆ, ಇದರಿಂದ ಅತ್ಯಂತ ನಿಖರ ಬದಲಾವಣೆ ಶಸ್ತ್ರಚಿಕಿತ್ಸೆ ಸಾಧ್ಯವಾಗುತ್ತದೆ. ಇದು ನಿಮ್ಮ ಮೊಣಕಾಲಿನ ಕುರಿತಾದ ಜಿಪಿಎಸ್ ರೀತಿಯ ಡಿವೈಸ್ ಮೂಲಕ ನಿಖರ ಮಾಹಿತಿಯ ಮೇಲೆ ಆಧಾರಪಡುತ್ತದೆ, ಅದು ರೊಬೊಟಿಕ್ಸ್ ಅಸಿಸ್ಟೆಡ್ ಹ್ಯಾಂಡ್ ಹೆಲ್ಡ್ ಡಿವೈಸ್‌ಗೆ ನಿಮ್ಮ ಮೊಣಕಾಲಿನ ಕುರಿತು ನಿಖರ ಮಾಹಿತಿ ಸಂವಹನ ನಡೆಸುತ್ತದೆ.

ಶಸ್ತ್ರಚಿಕಿತ್ಸೆಯ ಮುನ್ನವೇ ರೋಗಿಯ ಮೊಣಕಾಲಿನ ಮಾಹಿತಿ ಪಡೆಯುವುದರಿಂದ ಶಸ್ತ್ರಚಿಕಿತ್ಸಾ ತಜ್ಞರು ರೊಬೊಟಿಕ್ಸ್-ಅಸಿಸ್ಟೆಡ್ ಹ್ಯಾಂಡ್ ಡಿವೈಸ್‌ಗೆ ವಿಶೇಷ ಡೇಟಾ ಪಡೆಯುವ ಮೂಲಕ ನಿಮ್ಮ ಮೊಣಕಾಲಿನ ಹಾನಿಯಾದ ಭಾಗ ರಿಪೇರಿ ಮಾಡಲು, ನಿಮ್ಮ ಕೀಲು ಸಮಗೊಳಿಸಲು ಮತ್ತು ಅಳವಡಿಕೆಯನ್ನು ನಿಖರವಾಗಿ ಸೇರಿಸಲು, ಕಾಲುಗಳನ್ನು ಬಾಗಿಸಲು ಮತ್ತು ಬದಿಗೆ ಬಾಗಿದ ಮೊಣಕಾಲುಗಳನ್ನು ನೇರ ಮಾಡಲು ಸಾಧ್ಯವಾಗುತ್ತದೆ.

ಮೊಣಕಾಲು ಬದಲಾವಣೆ ಶಸ್ತ್ರಚಿಕಿತ್ಸೆಯ ಗುರಿ ನಡೆದಾಡುವ ನೋವು ನಿವಾರಿಸುವುದು ಮತ್ತು ರೋಗಿಯನ್ನು ಹೆಚ್ಚು ಸಕ್ರಿಯವಾಗಿ, ಸುಲಭವಾಗಿ ೨ ಮಹಡಿಗಳನ್ನು ಹತ್ತುವಂತೆ ಮಾಡುವುದು. ರೋಗಿಯು ಅಡುಗೆ ಮಾಡಲು ಒಂದು ಗಂಟೆ ನಿಲ್ಲುವುದು ಮತ್ತು ಕಛೇರಿಗೆ ಹೋಗುವುದನ್ನು ಸಾಧ್ಯವಾಗಿಸುವುದು. ಅತ್ಯಾಧುನಿಕ ಅಮೆರಿಕನ್ ಇಂಪ್ಲಾಂಟ್ಸ್ ಆದ ಮೆರಿಲ್ ಗೋಲ್ಡ್ ಮೂಲಕ ರೋಗಿಯು ಕೆಲ ತಿಂಗಳ ನಂತರ ನೆಲದ ಮೇಲೆ ಕಾಲು ಮಡಚಿ ಹಾಕಿ ಕುಳಿತುಕೊಳ್ಳಬಹುದು ಮತ್ತು ಬದಲಾವಣೆಯ ನಂತರ ದೀರ್ಘ ಜೀವನವಿರುತ್ತದೆ.

ಈ ಹೊಸ ಆವಿಷ್ಕಾರದ ಕುರಿತು ಆರ್ಥೊಪಿಡಿಕ್ಸ್ ಅಂಡ್ ಆರ್ಥೊಪ್ಲಾಸ್ಟಿಯ ಮುಖ್ಯಸ್ಥ ಹಾಗೂ ಇಂಥ ಚಿಕಿತ್ಸೆಯಲ್ಲಿ 35 ಕ್ಕೂ ಹೆಚ್ಚು ವರ್ಷಗಳ ಅನುಭವ ಹೊಂದಿರುವ ಡಾ.ಥಾಮಸ್ ಚಾಂಡಿ, ಉತ್ಸಾಹ ವ್ಯಕ್ತಪಡಿಸಿದ್ದಾರೆ. ಅತ್ಯಂತ ನಿಖರತೆ ಮತ್ತು ನಿಷ್ಕೃಷ್ಟತೆ ಟ್ರಿಮ್ ಮಾಡುವಾಗ ಮೊಣಕಾಲಿನ ಕೀಲಿನ ಮೂರು ಮೂಳೆಗಳ ಮೇಲ್ಮೈನ ಮೂಳೆ ನಷ್ಟ ಕಡಿಮೆ ಮಾಡುತ್ತದೆ ಎನ್ನುತ್ತಾರೆ. ಅವರು ಮರುದಿನವೇ ಕಡಿಮೆ ನೋವಿನೊಂದಿಗೆ ನಡೆದಾಡಬಹುದು ಮತ್ತು ವೇಗವಾಗಿ ಮೊಣಕಾಲು ಬಾಗಿಸಬಹುದು ಎನ್ನುವ ಸಾಮರ್ಥ್ಯ ಕುರಿತು ಅಪಾರ ಸಂತೋಷ ವ್ಯಕ್ತಪಡಿಸಿದ್ದಾರೆ.